Монгол шорлогны нүүрс - Туслах үйлдвэрлэл
MCPT ХХК
Үйлдвэр, үйлчилгээ, худалдааны компани
НЭГ. САВ БАГЛАА БООДЛЫН ҮЙЛДВЭР
Бид үйлдвэрлэсэн бүтээгдэхүүнээ савлахад дараах хүндрэлүүд үүсч байдаг :
- Экспортонд бүтээгдэхүүнээ гаргахад бүтээгдэхүүний савлагааны материал, өнгө үзэмж маш чухал байдаг. Энэ шаардлагыг хангах савлагааг Монголдоо хийлгэхэд БНХАУ-д хийлгэснээс 3-5 дахин үнэтэй байдаг.
- Харин БНХАУ-д хийлгэхэд олон тоотой захиалах шаардлага үүсдэг. Энэ нь их хэмжээний мөнгө түгждэг.
- Бас дээр нь тээвэрлэлт, гааль, татвартай холбоотой асуудлууд нэмэгддэг гэх мэт.
Иймд бид өөрсдийн сав баглааны үйлдвэртэй болохоор төлөвлөж байна. Энэ үйлдвэр маань гофрокартон, гофроцаас-аар уут сав, хайрцаг үйлдвэрлэх, дээр нь хэвлэлт хийх боломжтой тоног төхөөрөмжүүдээс бүрдсэн авсаархан цех байх юм.
ХОЁР. ВЕНТ ФАСАДНЫ ҮЙЛДВЭР
Орчин үед барилгын гадна фасадны ажилд вент фасад технологи хүч түрэн орж ирж байгаа билээ. Чулуун фасад, шал, чулууны ажил олон жил хийж ирсэн туршлага дээрээ тулгуурлан энэхүү технологийг эзэмшиж чанар өнгө үзэмжтэй фасад хийхээр зорин ажиллаж байна.
Вентфасад маш олон давуу талуудтай :
- Маш гоёмсог өнгө төрхийг бүрдүүлнэ
- Найдвартай, бат бөх, Галд тэсвэртэй
- Жилийн аль ч улиралд фасадны ажил хийх боломжтой
- Хур тундаснаас хамгаалж байнга “амьсгалдаг” учир мөөгөнцөрдөхгүй, зэврэхгүй, нян бактер үржихгүй, хананы бүтэц өөрчлөгдөж эвдрэл үүсэхгүй
- Дуу, дулааныг маш сайн тусгаарлаж өгдөг
- Ашиглалтын зардал маш бага
- Засвар үйлчилгээ хийхэд хялбар
Хэрэглэгчийн хүссэн өнгөтэй фасад хийхийн тулд материалаа будах шаардлага зайлшгүй бий болдог. Энэ асуудлыг шийдэхийн тулд Becker (Швед), PPG (АНУ), Azko Nobel (Швед) KCC (БНСУ)гээд дэлхийн тэргүүлэгч компаниудын будгаар будах будгийн камерийг ашиглана.
ГУРАВ. ӨВЛИЙН ХҮЛЭМЖИЙН ҮЙЛДВЭРЛЭЛ, УГСРАЛТ, ТОНОГ ТӨХӨӨРӨМЖ
Өвлийн хүлэмж барих технологи, тоног төхөөрөмжийг судалсны үндсэн дээр
хүлэмжийн зураг төсөл гаргахаас эхлэн материал, тоног төхөөрөмжийг нь оруулж
ирж худалдах, суурилуулах зэргээр түлхүүр гардуулах нөхцлөөр барьж өгнө. Өвлийн буюу бүтэн жил ашиглах хүлэмжийг барихад хамгийн түрүүнд
материал, хийц, халаалт, усалгааны тоног төхөөрөмжийг зөв сонгож ургамал ургах таатай орчинг бүрдүүлэх шаардлагатай
байдаг. Манай нөхцөлд хамгийн тулгамдсан асуудал болох халаалтыг хамгийн хямд төсөр, хэмнэлттэй байдлаар шийдэх шийдлийг санал болгож байна.
Бас нэг чухал зүйл нь ямар
төрлийн ургамал тарих вэ гэдэг асуудал. Мөн өөрсдийн талбай
дээр хүнсний ногоо, жимс жимсгэнэ, цэцэг, мод бут, үр үрслэгээ тарьж
ургуулах, турших, бүтээгдэхүүнээ
худалдаалах ажлыг хийж гүйцэтгэнэ.
ДӨРӨВ. ӨРХИЙН АЖ АХУЙД ЗОРИУЛСАН ТОНОГ ТӨХӨӨРӨМЖ ҮЙЛДВЭРЛЭХ
Өнөөдөр өрх бүхэн
үйлдвэрлэгч, иргэн бүр ажилтай төрөлтэй байхад хамгийн их дутагдаж байгаа юм нь
санаачлага, бизнесийн санаа, санасан сэдсэнээ хэрэгжүүлэхэд хэрэгтэй технологи,
арга зам , тоног төхөөрөмжийн тухай мэдээ мэдээлэл юм. Манай компани ХАА, газар
тариалан, өрхийн үйлдвэрлэлд зориулсан тоног төхөөрөмжийн судалгааг байнга хийж
байдаг ба зарим тоног төхөөрөмжийн техникийн зураг, Монголдоо үйлдвэрлэх
зөвшөөрлийг зохион бүтээгч, үйлдвэрлэгчдээс нь худалдан авч эндээ үйлдвэрлэж эхлээд
байна.
Бид эдгээр тоног төхөөрөмжийг Монголдоо үйлдвэрлэхдээ өөрийн орны онцлогт тохируулан зарим хийцийг нь сайжруулдаг ба худалдан авч буй хэрэглэгч нь санхүүгийн түрээс /лизинг/-т хамрагдах, баталгаат засвар үйлчилгээ авах, түргэн элэгдэх эд анги, сэлбэг хэрэгслийг цаг алдалгүй худалдан авах зэрэг олон давуу боломжуудыг хүртэнэ.
